| Yr Hafan | Yn
Ol  |
|
Mae Winston ac Elsie Richards wedi ymddeol o’r Gelli, ac erbyn hyn wedi gwneud eu cartref yn Yr Hafan, sef byngalo yng nghanol pentre’ Bontlwyd. Ni fu’r cyfnod o symud o’r Gelli yn un esmwyth i Winston, gan ei fod wedi ei eni a’i fagu yn y Gelli ac heb erioed fyw mewn unrhyw fan arall. Wedi cynefino a byw yn yr Hafan, mae Winston yn cadw llygad barcud ar Elfyn yn y Gelli, yn ogystal â gwneud ei orau i roi ei stamp ar fywyd cymdeithasol y pentre’, yn enwedig yn y Capel, ond er cystal ei fwriadau, nid yw yn un o’r rhai gorau i drin a thrafod pobol, ac mae Elsie yn gorfod gweithio’n galed i’w gadw o dan reolaeth. Yn ystod y cyfnod wedi i Elfyn ddod adref i’r Gelli, ni fu iechyd Elsie cystal ag y dymunai fod – ‘roedd yn ffeindio’r ty yn y Gelli yn ormod o faich iddi hi, gan ei fod yn fawr ac yn hen ffasiwn. Cafodd hi ac Elfyn dipyn o waith i ddarbwyllo Winston i symud o’i hen gartref, ond pan ddaeth Yr Hafan ar werth yn y pentre’, cafwyd perswâd ar Winston i roi cynnig amdano. Mae Elsie yn hapus iawn yn ei chartre’ newydd, ond mae’n cadw llygad ar Elfyn, ac yn gwneud yn siwr ei fod yn cael digon o fwyd a gofal yn y Gelli. |
||
 Darllediad
diweddar |
 Yr
Actorion |
|
Mwy am :- |
||
