| Pantypistyll | Yn
Ol  |
|
| Fferm lewyrchus tua 120 cyfer ar gyrion pentre’ Bontlwyd sy’n eiddo i Tom a Martha Phillips. Wedi iddynt hwy ymddeol gosodwyd y fferm ar lês am 10 mlynedd i Geraint a Janet Parry, pâr ifanc a fagwyd yn Sir Benfro. Da tew a defaid sydd ar y fferm ac nid ydynt yn godro. Mae Geraint Parry yn ffermwr ifanc tua 35 oed, yn fab ffarm wedi treulio cyfnod mewn coleg amaethyddol a chan fod ganddo frawd oedd eisioes yn gweithio adref ar y fferm, nid oedd cyfle iddo ef aros adref i ffermio gyda’i dad, felly achubodd ar y cyfle i gael Pantypistyll ar lês. Dechreuodd ei gyfnod yn ffermio ar ei liwt ei hun ar adeg anodd iawn yn y byd amaeth, ac mae pethau’n dal yn anodd iddynt wrth iddynt fagu dau o blant. Mae Janet Parry wedi gorfod parhau i weithio mewn banc yn Nhrefelin yn ogystal â magu eu dau blentyn – Gwenno, sy’n chwech ac yn yr ysgol yn Bontlwyd – a Gethin, sy’n ddwy a hanner, ac mewn meithrinfa/gyda gofalwraig tra fod ei fam yn y gwaith. Nid yw hi’n hawdd i Janet fod mewn swydd llawn amser yn ogystal â bod yn wraig ffarm a magu teulu, ond oherwydd yr amgylchiadau, ‘does dim dewis. Mae hyn yn rhoi cryn straen ar eu perthynas ar adegau, ond mae Janet yn gwneud ei gorau i fod yn gefnogol i Geraint. |
||
 Darllediad
diweddar |
 Yr
Actorion |
|
Mwy am :- |
||
